Thursday, April 6, 2023
Би нууц амраг болсон
Saturday, March 18, 2023
Охин үр минь
Урд шөнө би зүүд зүүдлэсэн. Үйл явдал нь бүрхэг чухам яг ямар учраас зүүдлэснийг мэдэхгүй. Өглөө босохоос өмнө юуны төлөө амьдардаг юм болдоо гэж бодож сэрсэн. Тэгээд “Хүний орчлонд хүн гуйж ирдэг юм шүү дээ” гэж нэг дуу хоолой хэлснийг саналаа. Сонин шүү…
Охиндоо дүү гаргаж өгөх цаг болж дээ. Миний охин чинь ээждээ ирэх л гэж ирсэн үр юм шүү дээ. Хувь тавилан гэдэг таашгүй байж болох ч сонголт хэзээд л байдаг. Олон үгүй гэсэн сонголтоос үр минь тиймээ гээд инээмсэглээд ирсэн. Анх эход үзүүлэхэд зүрхний чинь цохилтыг чангаар сонсгож, бараг нүүр нь бүрэн бүрэлдээгүй томоос том нүдтэй харагдсан чи минь над руу хараад инээмсэглэж билээ гэж яриулах их дуртай. Угаас тэр ураг ингэж тод харагдаад ээж рүүгээ инээнэ гэдгийг хэн ч төсөөлөхгүй байх. Эмч наашаа хараад инээж байна гэж хэлээд л.. Тэр л өдрөөс надад дараастай байсан сэтгэлийн их дарамт зүгээр л замхарчихсан. Чиний тэр инээмсэглэлийг харах хүртэл би өөрийнхөөрөө биш бусдад таалагдахын тулд амьдардаг байснаа ухаарсан.
Аль хэдийн хувилдчихсан байсан хувь тавиланг би хагас жил бодож эргэцүүлсэн болж таарсан. Хязгааргүй хүслийн минь төлөөсийг чи минь хааж ээждээ ирсэн. Сурч боловсроод тэндээ их л удах юм шигээр төсөөлсөн болохоор Монгол руу буцах хайран санагдаад байсан. Одоо бол эх орондоо ирсэн сонголт минь зөв санагддаг. Хүслийг чинь биелүүлье, хүрээд ир, ирэхдээ эрдэнэ дагуулаад ирээрэй гээд явуулсан ч юм шиг… даажинтай хорвоо шүү..
Чамайг минь ирэхэд эмээ чинь чамайг өргөж дийлэхээргүй тийм сул биетэй байсан. Өвөө эмээ хоёр нь гэртээ тогтдоггүй, хоёр тийшээ харсан хачин хөндий хүмүүс угтаж билээ. Нэг л өөр орчноос тэс ондоо газарт ирсэн чи минь хоёр шөнө хөрвөөгөөд ээжийгээ ч сайн амраагаагүй шүү. Тиймээ өөр орчин…
Охин минь өдрөөр биш цагаар өссөн юм шиг санагдаад байх юм. Цаг хугацаа гэдэг харвасан сум шиг байдаг нь үнэн ажээ. Одоо аль хэдийн том болчихоод ээжээсээ халамж хайр хүсээд, би уйдаад байна, надад хөгшрөхөөсөө өмнө дүү гаргаад өгчих гээд элдвийн л юм хүсдэг боллоо.
Өчигдөр миний охин ээжийнхээ чернилийг нилд асгаад гараараа цаасан дээр юу хийх гэж байсан юм бүү мэд жаахан байхдаа хэзээ ч тэгж заваарч байгаагүйгээр туршилт хийчихсэн зогсож байсан. Би бүүр шок, яагаад черниль асгасныг ерөөсөө ойлгоогүй. Тэгээд олон юм хэлж ч чадаагүй, одоо ч би яг юу хийх гэж байсныг нь ойлгохгүй л байна. Миний охин ганцаардаж байгааг ээж нь ойлгож байгаа ч үргэлж хамт байж, дандаа ярилцаж чадахгүй ёстой муу ээж юм даа охин минь…
Миний охин чинь төгөлдөр хуур сайхан тоглодог, ширээний теннисдээ явж байгаа энэ хоёрыг нь тууштай сурахад нь дэмнээд өгье дөө. Бусдаар бол чи өөрөө өөрийгөө олоорой.
Охин минь дээ ээж нь үргэлж чиний дэргэд байхгүй ч байх хугацаандаа л дэмжээд хайрлаад загнаад байж байя болох уу?
Tuesday, March 7, 2023
Мөнгийг хүссэнээрээ зарцуулмаар байна
Хачин гунигтай, бугшсан, бачимдсан мэдрэмж…
Мэдэхгүйгээсээ болж санхүүгийн хохиролд орчихлоо. Зүгээр л өөрийнхөө хийсэн энэ үйлдэлд, дандаа хөнгөн хуумгай ханддаг зангаасаа болоод би мөнгөө алдчихлаа. Одоо их мөнгө биш байж болох ч цаашид иймэрхүү алдаа гаргасаар байвал илүү цохилтод орох бололтой. Өөрөөсөө харамлаад байгаа мөртлөө мөнгө минь мөнгө болохгүй байна, би буруу амьдраад байна.
Санхүүгийн хувьд өсөн дэвжихгүй байна. Зээлнээс зээлийн хооронд байгаа мөртлөө, өөртөө зориулсан хөрөнгө оруулалт байхгүй мөртлөө, хангалттай тансаг амьдрахгүй байгаа мөртлөө санхүүгийн тал дээр санаа минь зовохгүй байгаа өөртөө гайхаж байна. Хоёр идэхгүй хоосон идэхгүй амьдраад байгаагаа болоод байна гэж бодоод байна.
Гэтэл би өргүй, өөрийн хүссэнээр идэж, ууж, хэрэглэж, зарцуулж, бүтээж, түгээж амьдармаар байна. Мөнгө бодож биш зүгээр гайхамшиг хэрхэн бүтээх вэ гэж бодож бүтээлч амьдармаар байна.
Цалин минь намайг газар шороодуулахгүй мөртлөө тэнгэрт нисгэхгүй байна.
Яаваль юу хийвэл, өөрийгөө хэрхэн хөгжүүлж байж дүүлэн нисэх вэ? Бачимдаад байна аа
Saturday, February 25, 2023
Би чамтай яг яаж харьцахаа мэдэхгүй байна. Ярьж байгаа зүйл нь хоосон, хийсвэр баталгаагүй зүйлсээр дүүрэн, цуг амьдрах баталгаа байхгүй, чинхүү намайг дурласан байсан тэр үед зориг гаргаад дэргэд минь ирэхгүй яасан юм бэ, одоо надад хамтарч амьдрах итгэл ерөөсөө төрөхгүй байна аа, би одоо яах ёстой юм болоо...
Надад үнэхээр тийм хосын заяа, хамтын амьдрал гэж байдаг юм болов уу, Хэн нэгэнд дурлаж хайрлаж урсаж түүнийхээ төлөө шаналж, түүнийгээ харж бахархах ямар сайхныг мэддэг атлаа би түүнд одоо яагаад ингэтлээ хөрчихсөн юм болоо, ярьж байгаа нь ерөөсөө таалагдахгүй, хийсэн үйлдлүүд нь бүгд бүтэлгүй, явцгүй мэдэхгүй мэдэхгүй таалагдахаа л байчихаад байна.
Үнэр нь хүртэл онцгүй, хүрч гар атгаж байгаа нь биед таагүй бүхий л бие сэтгэлээрээ дургүй хүрмээр хачин хөндий мэдрэмж, яагаад ийм байхад би түүнтэй амьдрах ёстой юм бэ?
Шийдэмгий бус, эргэлзэз тээнэглэзсэн, юу хийх гэж байгаа нь тодорхой бус, ер нь яг гоц нэг ч гэсэн чаддаг зүйл байхгүй, дандаа оролдож үзчихээд дундаас нь хаясан, ярьж байгаа зүйл нь ховын чанартай, 3 дагч биесийг их ярьдаг, сөрөг мэдээллээр дүүрэн, өөрт нь тохиолдож байгаа зүйлээ гэнэн итгэмтгий зангаасаа болж алдсан гэх... надад үнэндээ дандаа л муу зүйлс нь түрүүлж бичигдээд би сайн талыг, сайхан зүйлийг нь олж харахгүй болтлоо хаалт тавьчихжээ.
Яавал би чамайгаа эргээд сайн сайхнаар харж, өдөр болгон дурлаж байх вэ? Сургана гэж байхгүй, яана даа охин минь …
Бодлын хулгайч
Би чамд ямар хэцүү байгааг мэднэ ээ. Чиний тэр хэцүү үед би дэргэд чинь байж чадахгүй, бас сэтгэлийн тэнхээтэй байгаарай гэж хэлж ч чадахгүй. Би угаас ийм өчүүхэн амьтан юм дөө.
Гэхдээ л би чамайг яагаад дандаа бодох ёстойгоо ойлгохгүй байна. Зүгээр мартчихдаг, сарничихдаг бол дэндүү амар байхсан.
Ажил явдалтай хоног хурааж байгааг нь мэдсээр байгаа мөртлөө би чамайг дэндүү их хүссэн. Тэр хүсэл нь гараас нь атгаад, болдог бол тэврээд ч болтугай би чамайг дандаа бодох юмаа, яагаад боддоггоо ч ойлгохгүй юм, хүнд хэцүү энэ үед чинь хажууд чинь байж чадахгүй байгаад минь уучлаарай гээд ч болтугай хэлэхийг хүссэн. Бодолд минь чи байсаар л байсан.
Ээлжит нэгэн заалны дараа бид хоёр машины хойд суудал дээр зэрэгцэж суусан тохиол гарав. Би өөрөө болохгүйгээ мэдсээр байж чиний гараас атгачихсан. Харин тэр үеийн чиний харц уу юу хийж байна аа чи тэнэг юмуу, яасан сонин үйлдэл хийдэг тэнэг дурак вэ? Яаж ийм байж чаддаг байна аа гэсэн харц….. тэгээд шууд бат бөх нүдэнд үл үзэгдэх ханыг босгож билээ.
Уучлаарай намайг ….
Monday, January 16, 2023
Тэмүүлэл
Би гадаадад гэр бүлийн хамт тэтгэлэгтэй магистраар суралцахыг хүсдэг. Тэр улс нь хаана байх нь хамаагүй ч гол нь тэтгэлэгтэй суралцах нь чухал. Ажил гэж сатаарахгүйгээр яг хичээлдээ анхаарч утгаар нь суралцахыг хүсдэг. Ийм боломж гараад ирчихсэн, хэлж зөвлөөд туслах хүн гараад ирэхээр нь гэнэт айчих шг..
Би үнэхэээр явахыг, суралцахыг хүсэж байна. эрчим хүчний чиглэлээр магистраар тэтгэлэгтэй суралцахыг чин сэтгэлээсээ хүсэж байна. Зам гэрэлтүүүлээд өгөөч.
Мийгаатай хамт гадагшаа гарахыг хүсэж байгаа юм. Мийгаа Солонгос явна гэвэл дуртай яа явах байх, энэ хугацаанд Мийгаатагаа ч ойлголцож хамт амьдарч, болзож үзмээр байна. Үнэхээр тэр зүг рүү хамт явж, ойлголцож суралцахыг үнэхээр их хүсэж байна. Охиндоо илүү боловсрол олгох боломжч тэндээс олдож л таарааа. Сурч дуусчихаад эргээд Монголдоо ирээд мөрөөдлийн байшингаа босгомоор байна. Мэдээж үйлдврээ ч нарны станцаа ч барьмаар байна. надад боломж олгооч
Friday, December 9, 2022
Над руу хараагүй чиний нүд
Өчигдөр юу болсныг бүрэн санахааргүй уучихсан байна. Чиний бөөрөнд наалдаад гитар тоглонгоо олуулаа дуулах мөч бол сайхан байв. Тэр нэг вискиг уухаараа тасарчихаад байх юм яагаад? Төгсгөлийг санахгүй байгаа ч чиний бодож байгаа шиг зүйл болоогүйг хэлэхийг хүссэн. Чиний нүд надруу харахыг хүссэнгүй. Юу бодож, юу ярилцаж, юуг эргэцүүлж байгааг би мэдэхгүй, зүгээр л чамтай ярилцахыг хүснэм. Ер нь яагаад ярилцах ёстой юм бүү мэд… Надад огтоос хамааралгүй мэт, эсвэл чи надад дурлахаа байсан мэт хачин их хөндий..
Би чамд дурласан тэр үед надад сайхан байсан, чи ч бас намайг ингэж хайрлаж байгаа гэж бодохоор өөрийн эрхгүй хайр ундардаг байв. Бидэн хоёрын харилцаа мөнхөд үргэлжлэхгүй байсан ч төгсгөл нь гэгээн байгаасай гэж хүснэм.
Чамтай секс хийхээр сүнс минь баярладаг юм шиг санагддаг, яагаадыг мэдэхгүй би зүгээр л чамд уусан орчихдог. Тэгж бие сэтгэл сүнсээрээ нэгддэг учраас сүнслэг ертөнцийг ч бас давхар мэдэрдэг байх л даа, тэр нэгэн халуухан сексийг гэнэтийн тохиолдлоор сарниахад учир байсан буй за.
Үлдсэн амьдралд чи миний амраг байхгүй байж болох ч миний хүссэн ганц л зүйлийг биелүүлж өгөөрэй. Би чамтай хамт аглаг тайга, гүн ой, элсэн манхан, ер нь юу ч байсан хамаагүй байгалийн огт үзээгүй үзэгдлийг чамтай хамт үзэхийг хүсэж байна. Хэрвээ тэгээд үзчихвэл чамд хоргодохгүйгээр би замхран одох болно.
Эргэн дурсахад би чам руу мишээсээр байх тийм л нүдийг чамд би үлдээмээр байна.
Би нууц амраг болсон
Өглөө ажил дээрээ ирээд хүний нөхөр эргүүлээд цахим орчинд өөрийн нэр, бичсэн чатаа хараад хүний амьдралаар тоглосоноо мэдэх чинь их л сонин...
-
Зуны сар хорвоод мэндэлсэн Зүрх догдлуулж хууран мэхэлсэн Урсах нулимсыг мэлмэрүүлсэн Уйтгарыг дүрлэгэр нүдээрээ сартай хамт үргээсэн Хо...
-
...Тэмдэглэлийн дэвтэр гэснээс тэртээд одсон нэгэн дурсамж санаанд буугаад хэд хоног бодогдов.Тэр нэгэн саруулхан шөнө унтахаасаа өмнө ма...
-
Amidral vneheer sonin yumaa, ene bvh hugatsaand bi yu hiij yvsan yum boldoo, yund hvreh gej, yunii toloo amidraad bgaagaa meddeg ch bi vsree...